ZEEKR HomeTech & Electra 2025 көрмесінде заманауи премиум-санатты электромобильдерді ұсынды
Премиум-санаттағы жаңа буын электромобильдерінің символына айналған ZEEKR автокөлік бренді Орталық Азиядағы тұрмыстық техника, тұтынушылық электроника және цифрлық шешімдерге арналған ең ірі халықаралық көрме – HomeTech & Electra 2025 шарасына қатысты. 7–9 тамыз аралығында Алматыдағы «Атакент» Халықаралық көрме орталығында өткен бұл іс-шара 12 000 м² аумақта 10 елден келген 500-ден астам компанияны біріктірді.
Қазақстандағы ZEEKR ресми дистрибьюторы – Orbis Auto автомобиль тобы құрамына кіретін Evolux Auto компаниясы – көрме қонақтарына брендтің соңғы буындағы үлгілерін және премиум мәртебесін, сондай-ақ жайлылықты, инновацияны және заманауи дизайнды бағалайтын клиенттерге бағытталған негізгі технологияларын таныстырды. Келушілер қалаға арналған ықшам премиум кроссовер ZEEKR X моделін және динамика мен ұзақ қашықтықты үйлестіретін электрлік ZEEKR 001 моделін тамашалады.
Қазақстанға ресми жеткізілетін барлық ZEEKR автомобильдеріне 5 жылдық көлік кепілдігі және 8 жылдық аккумулятор кепілдігі беріледі. Сонымен қатар, заманауи цифрлық сервистердің толық қолжетімділігі ұсынылады: ZEEKR App мобильді қосымшасы, сымсыз Apple CarPlay/Android Auto, CCS2 стандартына сай зарядтау порты және орыс тіліндегі интерфейс.
"HomeTech & Electra біз үшін премиум-санаттағы ZEEKR электромобильдері туралы айтып қана қоймай, оларды іс жүзінде көрсету мүмкіндігі болды. Қазақстан цифрландыру мен тұрақты технологияларға белсенді қадам басуда. Біз ZEEKR – уақытша тренд емес, бүгін басталып жатқан болашақ деп сенеміз. Бұл – технологиялық артықшылықты, даралықты және мінсіз жайлылықты бағалайтындар үшін жасалған автомобильдер", – деді Evolux Auto ЖШС директоры Мұхаммед Джалилов.
Үш күн бойы стенд қонақтары жаңа буын мультимедиялық және көмекші жүйелерді сынап көріп, зарядтау шешімдерімен танысты және ZEEKR – бұл технология, дизайн және жайлылық жаңа деңгейдегі жүргізу тәжірибесін қалыптастыратын премиум-санаттағы электромобильдер екеніне көз жеткізді.
